loading...

6 ayda 58,6 min nəfər prezident təqaüdləri ilə təmin olunub

6 ayda 58,6 min nəfər prezident təqaüdləri ilə təmin olunub

6 ayda 58,6 min nəfər prezident təqaüdləri ilə təmin olunub

6 ayda 58,6 min nəfər prezident təqaüdləri ilə təmin olunub

Cari ilin 6 ayında Əmək və Əhalinin Sosial Müdafiəsi Nazirliyi tərəfindən 442,8 min nəfər sosial müavinətlə, 58,6 min nəfər Azərbaycan Prezidentinin təqaüdləri ilə təmin olunub.

Oxu.Az nazirliyə istinadən xəbər verir ki, cari ilin yanvar-iyun aylarında respublika əhalisinin 4,4 faizi və ya 442,8 min nəfər aylıq və birdəfəlik sosial müavinətlə təmin olunub. Onlardan 86,6 faizinə aylıq, 13,4 faizinə isə birdəfəlik sosial müavinət ödənilib. 

Müvafiq qanunvericiliyə uyğun olaraq əlilliyə və sağlamlıq imkanları məhdudluğa, yaşa və ailə başçısını itirməyə görə aylıq sosial müavinət təyin olunaraq ödənilir. Eyni zamanda, müharibə veteranları, müharibə əlilləri və şəhid ailələrinin, I və II qrup Çernobıl AES əlillərinin, müddətli hərbi xidmət qulluqçularının, beşdən çox uşağı olan qadınların uşaqları və b. aylıq sosial müavinətlə təmin edilirlər. Uşağın doğulmasına görə ailələrə, radiasiya qəzası nəticəsində zərər çəkmiş şəxslərə, penitensiar müəssisələrdə cəza çəkməkdən azad edilmiş, tibbi və sosial yardıma ehtiyacı olan insanlara isə birdəfəlik sosial müavinətlər verilir. 

Yanvar-iyun aylarında Əmək və Əhalinin Sosial Müdafiəsi Nazirliyinin xətti ilə Azərbaycan Respublikası Prezidentinin təqaüdləri ilə təmin olunan şəxslərin sayı isə 58 638 nəfər təşkil edib. Həmin təqaüdləri alan vətəndaşların sırasına Azərbaycan Respublikasının Milli Qəhrəmanları və ya onların ailə üzvləri, şəhid ailələri, müharibə əlilləri və onlara bərabər tutulanlar, 1941-1945-ci illər İkinci Dünya müharibəsi iştirakçıları, 20 Yanvar əlilləri, ümumi səbəblərdən I qrup əlillər, Azərbaycan Respublikasının fəxri adlarını alanlar və başqaları daxildir.

L.Ə.

www.oxu.az 

 

Oxunub: 56 Dəfə

Bolme: İqtisadiyyat

Ana Sehife
Gundelik Burcler Saglamliq Metbex

 
Bu il 8 azərbaycanlı Ukrayna vətəndaşlığı alıb