loading...

“Turan” İnformasiya Agentliyinə qarşı təyin edilmiş əlavə vergi sanksiyası ləğv

“Turan” İnformasiya Agentliyinə qarşı təyin edilmiş əlavə vergi sanksiyası ləğv olunub

“Turan” İnformasiya Agentliyinə qarşı təyin edilmiş əlavə vergi sanksiyası ləğv olunub

“Turan” İnformasiya Agentliyinə qarşı təyin edilmiş əlavə vergi sanksiyası ləğv olunub

 Vergilər Nazirliyinin Bakı şəhər Lokal Vergilər Departamenti 2014-2016-cı illər üzrə “Turan” İnformasiya Agentliyinə təyin etdiyi 37 min manat məbləğində əlavə vergi sanksiyasını ləğv edib.

Oxu.Az Report-a istinadən xəbər verir ki,  bu barədə departament agentliyə rəsmi məktubla məlumat verib.

Departament bu qərarı kameral yoxlamanın yekunu əsasında qəbul edib.

Xatırladaq ki, Vergilər Nazirliyi “Turan İnformasiya Agentliyi” MMC-də yoxlama aparıb. Vergi risklərinin mövcudluğu və vergidən yayınma hallarına yol verilməsinin araşdırılması məqsədi ilə aparılan səyyar vergi yoxlamasının nəticələrinə əsasən, xeyli miqdar təşkil edən vergiləri dövlət büdcəsinə ödəməkdən yayınma faktı üzrə Vergi Cinayətlərinin İbtidai Araşdırılması Departamentinin İstintaq idarəsində Cinayət Məcəlləsinin 213.1-ci (vergi ödəməkdən yayınma) maddəsi ilə cinayət işi başlanıb.

"Turan İnformasiya Agentliyi” MMC-nin direktoru Mehman Əliyev 2017-ci il avqustun 24-də şübhəli şəxs qismində saxlanılıb. Ona Cinayət Məcəlləsinin 192.2.2 (qanunsuz sahibkarlıq), 213.1 (vergi ödəməkdən yayınma) və 308.1-ci (vəzifə səlahiyyətlərindən sui-istifadə) maddələri ilə ittiham elan edilərək Yasamal Rayon Məhkəməsinin qərarı ilə barəsində həbs qətimkan tədbiri seçilib.

Sentyabrın 11-də isə Prezident İlham Əliyev “Turan” İnformasiya Agentliyinin direktoru barədə seçilmiş həbs qətimkan tədbirinin ev dustaqlığı ilə əvəz olunması məsələsinə baxılması üçün aidiyyəti orqanlara tapşırıq verib. Həmin gün Yasamal Rayon Məhkəməsinin qərarı ilə onun barəsindəki həbs qətimkan tədbiri dəyişdirilib və M.Əliyev azadlığa buraxılıb.

oxu.az

Oxunub: 4 Dəfə

Bolme: İqtisadiyyat

Ana Sehife
Gundelik Burcler Saglamliq Metbex

 
Heydər Əliyev Mərkəzinin parkında aviamodellərin uçuş şousu və sərgisi keçirildi – FOTO